Hong Kong Style Ceylon Drip Tea 香記 港式西冷紅茶掛耳濾包 8pcs

香記「香港情懷系列」港式西冷紅茶掛耳濾包 — 正宗港式茶餐廳奶茶茶底

如果揀最有「香港味」嘅飲品，身為香港非物質文化遺產嘅港式奶茶絕對當之無愧但係要飲一杯正宗嘅港式奶茶，好多時都要搵間出色嘅茶餐廳先飲到加上而家嘅疫情，可能令大家都少咗機會出街食飯，令到要嘆到一杯咁有香港情懷嘅奶茶難上加難

香記港式西冷紅茶掛耳濾包可以實現大家想飲好味奶茶嘅願望
無論你喺屋企定係喺辦公室，只要有熱水就可以沖出正宗港式茶餐廳奶茶嘅茶底再加入全脂或植脂淡奶，一杯濃濃「香港味」嘅奶茶就出世喇如果用埋香記套「香港情懷」杯碟set，直頭同去咗茶記嘆奶茶一樣，冇得彈

香記「香港情懷系列」係專為茶餐廳調配嘅港式奶茶品種，佢地憑住多年專業嘅拼茶技術同埋經驗，過去一直為本地嘅茶餐廳、冰室仲有連鎖式集團供應優質拼配紅茶。所以要好方便咁沖到優質嘅港式奶茶茶底，呢隻港式西冷紅茶掛耳濾包絕對係你嘅不二之選

小知識：西冷牛扒就聽得多，乜嘢係西冷紅茶？
其實「西冷」即係「錫蘭」舊時嘅香港譯音，即係斯里蘭卡嘅舊稱。而港式奶茶嘅茶底都係用錫蘭紅茶葉沖出嚟，同英式奶茶一樣，不過港式奶茶用嘅奶係淡奶，而英式奶茶係用鮮奶。所以舊時冰室同茶餐廳餐牌寫住嘅西冷紅茶就即係而家家傳戶曉嘅港式奶茶喇！

產品特色：
．採用100%優質鍚蘭天然紅茶
．風味獨特，茶香細膩
．正宗港式茶餐廳奶茶口味
．沖煮簡單，方便快捷

使用方式：
將掛耳茶包兩側的紙夾展開，掛於杯邊，注入熱水即可飲用。（建議使用100℃熱水）